manoel island: post għalina
Permezz ta’ din il-kampanja, nixtiequ nuru kif Manoel Island jista’ jkun post li jista’ jgawdi kulħadd.
Din mhijiex xi ħaġa impossibbli.
Il-petizzjoni parlamentari biex Manoel Island isir park ta’ patrimonju pubbliku, qabżet id-29,000 firma. Dan kien bidu b’saħħtu mmens.
il-viżjoni tagħna
Il-konċessjoni bejn il-Parlament Malti u l-MIDI bħalissa qed tiġi nnegozjata mill-ġdid.
Din il-kampanja hija l-unika ċans li għandna biex nagħmlu din il-ħolma realtà, u l-petizzjoni t’hawn taħt hija l-bidu.
KIF TISTA’ SSIR MANOEL ISLAND?
Rifuġju għall-bijodiversità urbana
Wara snin ta’ abbandun, l-iswar madwar il-Forti Manoel spiċċaw jospitaw bosta flora u fawna lokali. Bosta speċi ta’ pjanti selvaġġi jiffjorixxu fuq l-inklinazzjonijiet tal-Forti, diversità ta’ għasafar ibejtu u jistrieħu fil-kantunieri kwieti tagħha, u mammiferi selvaġġi, rettili, u insetti jsibu kenn f’dan l-ispazju ekoloġiku fil-qalba urbana.
Spazju miftuħ pubbliku
Ir-reġjun tal-Port tat-Tramuntana huwa l-aktar parti mibnija u popolata ta’ Malta. In-nies hawnhekk m’għandhomx spazji ħodor miftuħa fejn jistgħu jirrilassaw u fejn it-tfal jistgħu jilagħbu b’mod sikur. Manoel Island tista’ tipprovdi kważi 30 ettaru ta’ spazju pubbliku, li jista’ jgawdih kulħadd, f’ambjent mingħajr karozzi u mhux kummerċjali.
Park tal-patrimonju
Il-Park tal-Patrimonju ta’ Manoel Island ikun jgawdi mill-veduti fuq ix-xefaq tas-Sit tal-Patrimonju Dinji tal-UNESCO tal-Belt Valletta u l-fortifikazzjonijiet tal-Port. Il-park ikun imżewwaq bil-Forti Barokka Manoel, u l-Lazzarett, l-eqdem kwartieri tal-kwarantina li jeżistu fl-Ewropa, u li jistgħu jiġu ttrasformati f’mużew u ċentru kulturali għall-pubbliku.
PARTEĊIPAZZJONI
Involvi ruħek
Ikkuntattjana fuq Facebook jew Instagram, jew permezz tal-email fuq contact@manoelislandcampaign.com, biex tkun taf kif tista’ tinvolvi ruħek.
Agħti donazzjoni
It-tmexxija ta’ kampanja tiswa ħafna flus. Kull min hu involut huwa voluntier, iżda ċerti affarijiet bħar-reklamar, l-istampar u l-hosting jeħtieġ li jitħallsu. Jekk tixtieq tikkontribwixxi, segwi l-istruzzjonijiet fil-parti li jmiss. Kull kontribuzzjoni, kbira jew żgħira, hija pass ieħor favur li nkabbru l-ammont ta’ spazji pubbliċi f’Malta. Kull ftit jgħin.
Ħallas bi trasferiment bankarju
Moviment Graffitti
Bank of Valletta
IBAN No. MT87VALL22013000000011799516014
Ħallas bil-kard tal-kreditu
Segwi din il-link għas-sistema ta’ pagamenti tal-FAA.
40+ QED JAPPOĠĠJAW
Inħobb il-Gżira
•
GĦAWDIX
•
The Grow 10 Trees Project
•
WIRT IŻ-ŻEJTUN
•
7R Lifestyle Malta
•
Residenti Beltin
•
YPB
•
Friends of the earth Malta
•
Malta Ranger Unit
•
Bird Life Malta
•
Nature Trust Malta
•
DIN L-ART ĦELWA
•
Wied ta' Rmiedi Rewilding Project
•
PEN Malta
•
Kummissjoni interdjoċesana ambjent
•
Sliema Residents' Association
•
Marsaskala Residents Network
•
Kreattivisti
•
Rota
•
Geġwiġija
•
ACT.
•
ClimbMT
•
Richmond
•
Azzjoni Tuna Artna Lura
•
il-kollettiv
•
Greenhouse
•
Dance Beyond Borders
•
BERG
•
MRCC
•
Inizjamed
•
Dawra Madwarna
•
Betapsi
•
KNZ
•
Ramblers Malta
•
Wirt Għawdex
•
MGRM
•
Żminijietna
•
DLH Għawdex
•
Chewing Productions
•
Right 2 Smile
•
ESA Earth Systems Association
•
Inħobb il-Gżira • GĦAWDIX • The Grow 10 Trees Project • WIRT IŻ-ŻEJTUN • 7R Lifestyle Malta • Residenti Beltin • YPB • Friends of the earth Malta • Malta Ranger Unit • Bird Life Malta • Nature Trust Malta • DIN L-ART ĦELWA • Wied ta' Rmiedi Rewilding Project • PEN Malta • Kummissjoni interdjoċesana ambjent • Sliema Residents' Association • Marsaskala Residents Network • Kreattivisti • Rota • Geġwiġija • ACT. • ClimbMT • Richmond • Azzjoni Tuna Artna Lura • il-kollettiv • Greenhouse • Dance Beyond Borders • BERG • MRCC • Inizjamed • Dawra Madwarna • Betapsi • KNZ • Ramblers Malta • Wirt Għawdex • MGRM • Żminijietna • DLH Għawdex • Chewing Productions • Right 2 Smile • ESA Earth Systems Association •
Mistoqsijiet Komuni
-
Il-kampanja għandha l-għan li terġa’ tqiegħed il-kwistjoni Manoel Island fuq l-aġenda nazzjonali. Ninsabu f’salib it-toroq, mument uniku fejn qed jerġa’ jiġi kkunsidrat il-futur ta’ Manoel Island. Se tintuża għall-iżvilupp kummerċjali, tinbidel f’residenzi lussużi, lukanda, każinò jew tista’ ssir park importanti li jgawdih kulħadd fil-parti l-aktar urbanizzata ta’ Malta?
Immaġinaw lil Manoel Island bħala post li kulħadd jista’ jgawdi. Fejn in-natura tista’ tiffjorixxi flimkien ma’ spazji miftuħa b’xejn biex il-pubbliku jgawdihom. Il-kampanja Manoel Island: Post Għalina trid tagħmel din il-ħolma realtà.
-
MIDI huwa konsorzju privat maħluq għall-iżvilupp mill-ġdid ta’ Tigné u Manoel Island. L-operatur privat, MIDI, qed tinkrielu l-konċessjoni kombinata ta’ Tigné Point u Manoel Island sal-2099. Iżda l-kuntratt, li ġie ffirmat mill-Parlament Malti — unanimament — fl-2000, jiddikjara li x-xogħlijiet għandhom ikunu “sostanzjalment kompluti” sa Marzu 2026.
Dan huwa impossibbli.
Għaldaqstant, il-MIDI qegħdin f’diskursati mal-Gvern Malti biex jiksbu estensjoni għall-iskadenza tal-2026, minħabba li l-ksur tal-kuntratt ipoġġi l-konċessjoni kollha — inkluż Tigné Point — f’riskju.
U huwa hawnhekk fejn tidħol il-kampanja Manoel Island: Post Għalina.
-
Iva! Dik il-petizzjoni parlamentari kienet ġabret ’il fuq minn 7,500 firma. Madankollu, kienet ġiet injorata mill-Kumitat Parlamentari responsabbli għall-petizzjonijiet. Din id-darba, il-petizzjoni parlamentari qabżet id-29,000 firma f’xahrejn!
-
Il-kampanja qed tiġi organizzata minn tim ta’ voluntiera b’esperjenza f’għaqdiet attivisti u ambjentali oħra. Il-kampanja qed tiġi approvata wkoll minn bosta gruppi u assoċjazzjonijiet varjati. Ara l-lista ta’ dawk li qed jappoġġjawha hawn.
-
Irridu li Manoel Island — kollha kemm hi, jew kważi kollha — issir park pubbliku nazzjonali għall-użu ta’ kulħadd. Il-mod kif dan jista’ jseħħ jiddependi min-negozjati bejn il-Gvern u l-MIDI.
B’mod speċifiku, irridu li minflok ir-residenzi lussużi li bħalissa huma ppjanati f’parti kbira ta’ Manoel Island, ikollna spazji ħodor miftuħa u faċilitajiet rikreattivi, u li l-wirt storiku rikk tal-gżira jiġi ppreservat u jsir aċċessibbli għall-pubbliku.
-
Il-kundizzjonijiet tal-kuntratt huma ċari. Il-MIDI kellhom kwart ta’ seklu biex ilestu dan il-proġett, u għadhom bilkemm bdew. Huma l-MIDI li qed jiksru l-kundizzjonijiet tal-kuntratt. Dan jagħti lill-gvern id-dritt li jirrevoka l-kuntratt.
L-argument ekonomiku jista’ jiġi msawwar b’mod differenti wkoll. Malta fl-2025 hija differenti ħafna minn dik li kienet fl-2000. Hemm żieda fl-apprezzament għall-kwalità tal-ħajja u s-saħħa. Nistgħu nagħmlu argument b’saħħtu ħafna li park aċċessibbli għall-familji fl-aktar żona popolata b’densità għolja ta’ Malta se jkun aħjar għall-istabbiltà ekonomika fit-tul tal-pajjiż minn ftit mijiet ta’ appartamenti lussużi oħra.
-
Xejn afattu! Li Manoel Island tiġi rritornata lill-pubbliku u tinbidel f’park nazzjonali biex kulħadd igawdi minnu tista’ tkun — u għandha tkun — sitwazzjoni fejn kulħadd jibbenefika minnha. Il-fatt huwa li l-konċessjoni issa tinsab f’sitwazzjoni dubjuża. Id-data tal-iskadenza qed toqrob malajr, u bħalissa għaddejjin negozjati biex tingħata estensjoni. Il-MIDI qed jargumentaw li xi wħud mir-raġunijiet għad-dewmien ma kinux fil-kontroll tagħha. Il-MIDI qed ifittxu ukoll investiment estern għall-proġett, u ilhom jippruvaw jagħmlu dan għal ħafna snin.
Dan ifisser li hemm ċans tajjeb li jekk kulħadd joqgħod madwar il-mejda biex nitkellmu, nistgħu naslu għal ftehim li jibbenefika lil kulħadd.
abbona
Ejja nżommu kuntatt! Kemm tibgħat l-email tiegħek u aħna se nżiduk mal-lista tal-posta tagħna.
Tista’ wkoll tingħaqad mal-komunità ta’ Whatsapp tagħna hawn.
